რუსთავში, როგორც საკრებულოს ასევე მერიის შესაბამის თანამდებობის პირები პრემია-დანამატების აღებისთვის, ხშირად კრიტიკის ობიექტები ხდებოდნენ. დღეს, უკვე ყოფილი გუნდიდან, რუსთავის ადგილობრივ ხელისუფლებაში მხოლოდ ერთეულები შემორჩნენ. ერთ-ერთი მათგანი რუსთავის საკრებულოს ყოფილი თავმჯდომარე დავით მაღლაკელიძეა. ამჟამად ის ახალი საკრებულოს წევრია. თავისი გუნდის აღებულ პრემია-დანამატებზე და ხელფასებზე, ქვემო ქართლის ტელე-რადიო კომპანიასთან, განაცხადა (13:46

წთ-დან): „შეგიძლიათ მოითხოვოთ  2014 წლის 14 ივლისამდე პრემია-დანამატების და ხელფასების აღების ინფორმაცია. მერე თქვენ შეგიძლიათ ნახოთ 2014 წლიდან ზემოთ, ჩვენი მმართველობის პერიოდში და თქვენვე გააკეთეთ შეფასება“.

ფაქტ-მეტრმა, რუსთავის მუნიციპალიტეტიდან შესაბამისი ინფორმაცია გამოითხოვა. აქვე უნდა აღინიშნოს, რომ 2013 წლის მონაცემებში, მერის და მოადგილეების აღებულ ხელფასებსა და პრემიებში იგულისხმება როგორც „ნაციონალური მოძრაობის“ მმართველობის პერიოდში მოქმედი მერის, ასევე 2013 წელს რუსთავის მერის მოვალეობის შემსრულებლად

დანიშნული „ქართული ოცნების“ კადრის, დავით ჯიქიას  და მისი მოადგლეების ხელფასები და პრემიები. ასევე, 2014 წელს საკრებულოს თავმჯდომარისა და მის მოადგილეებზე გაცემულ ხელფასებსა და პრემიებში გაერთიანებულია 2010 წლის თვითმმართველობის არჩევნების დროს, ადგილობრივ ხელისუფლებაში მოსული საკრებულოს თავმჯდომარის და მისი მოადგილეების ხარჯებიც.

ცხრილი 1:

რუსთავის მერზე, მის მოადგილეებზე, საკრებულოს თავმჯდომარეზე და მის მოადგილეებზე გაცემული ხელფასი (ივნისი, 2010 წელი - ნოემბერი, 2017 წელი)

თანამდებობა	2010	2011	2012	2013	2014	2015	2016	2017
მერი	16 007	29 714	28 575	28 487	25 982	33 000	33 000	27 500
მოადგილეები	14 829	42 492	48 368	74 202	64 047	50 716	52 179	44 500
საკრებულოს თავმჯდომარე	17 360	29 760	30 171	33 065	31 922	33 000	33 000	27 500
მოადგილეები	9 750	34 505	35 936	50 700	39 202	54 717	54 656	45 095
სულ	57 946	136 471	143 050	186 454	161 153	171 433	172 835	144 595

  ცხრილი 2:

რუსთავის მერზე, მის მოადგილეებზე, საკრებულოს თავმჯდომარეზე და მის მოადგილეებზე გაცემული პრემია (ივნისი, 2010 წელი - ნოემბერი, 2017 წელი)

თანამდებობა	2010	2011	2012	2013	2014	2015	2016	2017
მერი	16 319	29 295	24 315	15 000	27 500	11 000	8 250	2 750
მოადგილეები	25 000	71 250	67 400	106 325	71 875	13 300	20 000	4 450
საკრებულოს თავმჯდომარე	18 799	31 630	26 795	13 750	24 750	11 000	8 250	2 750
მოადგილეები	11 500	47 150	46 550	21 751	58 575	18 000	18 000	4 500
სულ	71 618	179 325	165 060	156 826	182 700	53 300	54 500	14 450

ცხრილი 3:

რუსთავის მერზე, მის მოადგილეებზე, საკრებულოს თავმჯდომარეზე და მის მოადგილეებზე გაცემული სახელფასო დანამატი (ივნისი, 2010 წელი - ნოემბერი, 2017 წელი)

თანამდებობა	2010	2011	2012	2013	2014	2015	2016	2017
მერი	-	-	-	-	-	17 600	26 400	22 000
მოადგილეები	-	-	-	-	-	37 617	43 547	34 700
საკრებულოს თავმჯდომარე	-	-	-	-	-	17 600	26 400	20 625
მოადგილეები	-	-	-	-	-	25 650	37 575	34 650
სულ	--	-	-	-	-	98 467	133 922	111 975

სახელფასო დანამატების გაცემა 2015 წლიდან დაიწყო, შესაბამისად, გასულ წლებში მსგავსი დანიშნულების ხარჯი ადგილობრივ ბიუჯეტებს არ ჰქონიათ. საერთო ჯამში კი, რუსთავის მუნიციპალიტეტის მერის, მოადგილეების, საკრებულოს თავმჯდომარის, მისი მოადგილეების ხელფასები, პრემიები და დანამატები 2010-2017 წლის 7 ნოემბრის ჩათვლით ამგვარია:

  ცხრილი 4:

რუსთავის მერზე, მის მოადგილეებზე, საკრებულოს თავმჯდომარეზე და მის მოადგილეებზე გაცემული შრომის ანაზღაურება (ივნისი, 2010 წელი - ნოემბერი, 2017 წელი)

თანამდებობა	2010	2011	2012	2013	2014	2015	2016	2017
მერი, მოადგილეები, საკრებულოს თავმჯდომარე, მოადგილეები	129 564	315 796	308 110	343 280	343 853	323 200	361 257	271 020

იმის გათვალისწინებით, რომ 2013 წელს და 2014 წელს, რუსთავის ბიუჯეტის განკარგვაში მონაწილეობას იღებდა ორივე გუნდი, კითხვაზე პასუხისთვის - ვისი შენახვა დაუჯდა უფრო ძვირი რუსთავს 2011, 2012, 2015 და 2016 წლების მონაცემებს ვაანალიზებთ (ამასთან, 2010 წლის მონაცამებს არ ვიყენებთ, რადგან გვაქვს ამ წლის ხარჯები, მხოლოდ 1 ივნისიდან. ასევე არ ვადარებთ 2017 წლის მონაცემს, რადგან გვაქვს ინფორმაცია მხოლოდ 10 თვის მდგომარეობით და არა სრული ერთი წლის).

რუსთავის მერიის მოწოდებული საჯარო ინფორმაციის თანახმად, 2015-2016 წლებში, როდესაც რუსთავს მართავდა „ქართული ოცნების“ გუნდი, რომელსაც საკრებულოს თავმჯდომარის სახით წარმოადგენდა დავით მაღლაკელიძე (ამჟამად საკრებულოს წევრი), მერის, საკრებულოს თავმჯდომარის და მათი მოადგილეების ხელფასებსა და პრემია-დანამატებში 121 102 ლარით მეტი გაიცა, ვიდრე 2011-2012 წლებში.